شعر / عاصم السمان
صوتك شجن
مليان انين
صمتك حوار بيشدنى
امشى على جمر الفؤاد
ابكى على الايام
بصوت المجروحين
صرخة الم
تنسج خيوطها ف المدى
دمعات بتكوى الورد
فوق خد القمر
آه يا قمر
فين ليلك الحلو الحنون
فين ضى سحرك يا قمر
تحت الشجر… فوق الجسور
مجروح ياليل العاشقين
تايه انا ف الخلف دور
وشمال يمين
صوتك نغم موال حزين
فجرك ضباب
شمسك سراب
نار البارودبتترسم
ورا كل باب
شوف كام جريح
شوف كام قتيل
شياطين تولع ف الفتيل
من غير حساب
شوف كام ولد نازح
بيهرب ف الزحام
حتى الورود لبست حداد
قبل الآوان
غربان بترقص ف المكان
وطيور سكارى
وطيور حيارى
وطيور لئام
والبوم بيتحدى السلام
خلص الكلام
مات الحنين
مجروح ياليل العاشقين
